七律午言清江一曲抱村流长夏江村事事幽自去自来堂上燕相亲相近水中鸥老妻画纸为棋局稚子敲针作钓钩但有故人供禄米微躯此外更何求近几十年来，从南路传过来一个数，吉利讨口彩——“发”！好像只要只要是八，样样侪好，其实只。
清江一曲抱村流
长夏江村事事幽
自去自来堂上燕
相亲相近水中鸥
老妻画纸为棋局
稚子敲针作钓钩
但有故人供禄米
微躯此外更何求
近几十年来，从南路传过来一个数，吉利讨口彩——“发”！好像只要只要是八，样样侪好，其实只勿过是个谐音而已，讲勿出啥道理。
我今朝讲讲“七”。阿拉老祖宗讲：逢七就必变！数字里厢七是一个蛮奇怪格数字，人为啥搭七搭了嘎牢，从古到今呒么一个人能够讲得清爽！侬看，每个人有七窍：两只眼睛肝开窍之、两只耳朵肾开窍之、鼻头肺开窍之、嘴唇脾开窍之、舌头心开窍之；还有七情六欲：喜怒哀恐爱恶欲；男女之间会有七年之痒；牛郎织女“七夕”相会；黄梅戏《天仙配》里“七仙女”当中为啥嫁拨董永是第七个小仙女；写格诗有七言、七律、七绝；曹丕猜疑兄弟要谋反，硬劲逼牢曹植写出“七步诗”，你我“本是同根生，相煎何太急”；公元前古代中国人就发明了“七巧板”，其式为五、其数为七、其变为千，十八世纪后传到外国去了，成为外国人最欢喜格玩具之一，传说拿破仑勒了流放过程只白相一样么事——七巧板，英国剑桥大学图书馆里厢至今还囥了一部《七巧新谱》；纣王拿姬昌关了七年，周文王就衍生出六十四卦，每卦只有六爻，上七就会复始，给世人留下一部《周易》；中国人格算盘，上二下五为七粒算盘珠，算盘十三档为神机妙算，同志们想得起小辰光白相算盘格情景伐？外国人到今朝也呒么搞清爽算盘；中国人讲“打蛇打七寸”；动画片葫芦娃有七兄弟；外国人也有白雪公主与七个小矮人；古人讲“七尺男儿”；魏晋有“竹林七贤人”，双色球开奖号码是七位数，还有“七星奖”；一个人走脱了要“做七”，为啥要七七四十九日？传说是人格魂灵头，会七日回来一趟望望家人，“七”做好就放心了；上海有个七宝镇：飞来佛、氽来钟、莲花灵、金斧、神树、金鸡、玉筷；《阿弥陀佛经》里有七宝：金、银、琉璃、珊瑚、砗磲、赤珠、玛瑙；PH酸碱值分割界线为“7”；正常格情况下头，一张纸头最多只好对折七趟；天浪北斗为七星，太阳光有七色：赤橙黄绿青蓝紫，谁持彩练当空舞；音乐只有七个音：哆来咪发索拉西；每个礼拜是七日，休息日是第七天；女娲补天还造人，鸡狗猪羊牛马日之后，第七天是造人日；外国人搭中国人格讲法同样，上帝用了七日造出了亚当（男人），再抽出亚当格第七根肋排骨造出来夏娃（女人）；有七个墮落天（傲慢、嫉妒、暴怒、懒惰、贪婪、饕餮、私欲）是撒旦，撒旦有七只头；人格生理周期是七日；人格相貌七年就会变一变；勿相信可以从现在起开始观察。
《黄帝内经》讲人有七个节律，一般性毛病七日就会自愈；某段辰光里厢，有一批朋小学读到七年级，併成了“七二、七三届”，袁一灵老先生格上海说唱《金陵塔》：天浪七粒星，树浪七只鹰，墙浪七根钉，枱浪七盏灯，河里七块冰；还有了，菩萨格娘是摩耶夫人，因为做梦看见一只六牙大象后而受孕，四十五岁生出来佛祖，七日之后就走脱了，而佛陀来到世界浪厢格第一桩事体，朝东南西北方向分别走了七步：佛行七步，步步生莲；
红军不怕远征难
万水千山只等闲
五岭逶迤腾细浪
乌蒙磅礴走泥丸
金沙水拍云崖暖
大渡桥横铁索寒
更喜岷山千里雪
三军过后尽开颜
长征 •七律
